Loading alternative title

وتعاونوا

تاريخ النشر: 2020-03-30 || 08:41

وتعاونوا

كتب شمس الدين مرعي

الحكاية بدات بتليفون مع الاربعة متاع العشية مع الإطار الطبي وشبه الطبي الي في الحجر الصحي في نابل. للأسف الماكلة ماهيش في المستوى هذا كان توجدت! أحد عشية و ما فمة حتى مطعم محلول ففي محاولة يائسة هبطت على الفايسبوك نداء لأهل الخير و من دقيقة الأولى بدات التليفونات و انطلقت الحرائر يصنفوا و الرجال تشري.. ما شاء آلله و من الحاجات الي فرحتني الي يسمع يعاون قدام الزرارعي باش نشري بلاتوات جوتابل الي قدامي في الصف خلصهم، الي يبيع في دجاج هز معانا شطر الحسبة، المخبزة عملنا بالذمة الخبز... صدقوني شطر العباد أول مرة نراهم و تلم الخير من مقرونة للكسكي للسلاطة للقازوز و السيترون و الجلبانة تي حتى من الملوخية جابوهالنا.. و هزينا العشاء و كفينا و وفينا ال 27 فرملي و طبيب و قعدلنا قدهم بلاتوات و وزعناه على الأمن و الجيش.. و التو تليفوني يصوني عباد تحب تعاون ?
و الله ما نوصفلكمش شعوري و اعتزازي بيكم مازال الخير في بلادي و تونس برجالها و حرايرها ❤
Chams Eddine Merai

  • شارك على:
0
 التضامن والتبرع .. سلاح الجزائريين ضد كورونا الهند نموذج شرقي لانتشار "الإسلاموفوبيا" 

آخر الأخبار